Jounen jodi a, konfli ki pi fewòs yo nan mond lan pa eklate ant nasyon kap goume kont youn lòt, men pito nan zantray yon peyi kote yon diktatè san fwa ni lwa kenbe yon popilasyon nan gòj pou toupizi li. Pifò moun kwè ke popilasyon yap oprese sa yo gen de (2) chwa: aksepte rejim opresè a nan lespwa ke bagay yo ka fini pa amelyore, oubyen deklanche yon kokenn soulèvman vyolan pou libere tèt yo. Opinion senp sa a pa kenbe, paske kanpay rezistans sivil (ke pafwa yo rele “mouvman pouvwa popilè” oubyen konfli san vyolans) deklanche pi souvan ke moun panse. Sòti nan ane 1900, chak ane te gen pou pi piti yon gwo kanpay rezistans sivil ki te kanpe ankwa devan yon dirijan ki sou pouvwa li.1 Depi ane 1972,2 mouvman popilè sa yo, tan yap pran chè, yap jwe yon wòl enpòtan nan reyisit tranzisyon demokratik ak pifò konfli ki gen repondong gewopolitikman. Malgre sa, moun ki gen pouvwa desizyon, gwo save, jounalis, ak lòt obsèvatè ki enterese, toujou pèsiste ap minimize kapasite senp sitwayen genyen pou yo defye rejim otoritè, epi enpoze dwa yo, san vyolans.

The Checklist for Ending Tyranny (Haitian Creole) Peter Ackerman and Hardy Merriman From the book: Is Authoritarianism Staging a Comeback?